ياما تحت الساهي دواهي

من ديوان ابرز تنجز للشاعر على محيلبه 

ياما تحت الســـــــــــاهي دواهي

عربيتي اسمها خنزيره
و رصيدي فى البنك بواكي
و الحاره بقى لها أميره
و الظالم يبقى الشاكي
و الحظ عملته خميره
ياما تحت الساهي دواهي
فيها ايه لو أخش الجامعه
أدخل
أخرج مش سامعه
ليه اذاكر تحت الشمعه
و أنا حلوه
و ناجحه
و لامعه
خلينا نعيش أيامنا
بس نعيش أيامنا
بس نغير في كلامنا
و الحظ حيبقى بواكى
ياما تحت الساهى دواهي
فيها ايه لو أروح النادي
و أقول لأبويا يا دادي
و أمسك سبحه و أنادي
الظالم هو البادي
ألبس ايتيكيت و أتأنزح
مش حاضحك يوم
و لا أمزح
الا مع الجيل الراقي
اللي اتعذب بفراقي
و أغير ليه في كلامي
خليني أعيش أيامي
و الحظ حيبقي بواكي
ياما تحت الساهي دواهي
فيها ايه لو أروح المسرح
أسهر
و أتعشى
و أسرح
مع سهره تكون بوليسيه
مليانه حاجات سياسيه
و عشان تحلى الأمسيه
رقاصه مهيش انسيه
ترقص بميزان العدل
و العقل خلاص اتشل
وكلامهم على المكشوف
و ماحدش كان مكسوف
و عشان أجمل أيامي
قلت أغير في كلامي
و الحظ حيبقي خميره
والألف حتبقى بواكي
ياما تحت الساهي دواهي
فيها ايه لو أخش الحزب
بس تعلمني الكذب
نفسي أطلع فوق و أشب
نشرب و نقزقز لب
و نسيب الدنيل تسب
تحميني و انا أحميك
اديني و انا أديك
عوامه في قلب النيل
أو وصفه بتقتل جيل
و دموع جوه المناديل
و بارود لاجل القناديل
خبرني ازاه حنشيل
أسامينا من المواويل
يالله نغير في كلامهم
يالله نغير في كلامنا
خلينا نعيش أيامنا
و الحظ حيبقي خميره
و الألف حتبقي بواكى
ياما تحت الساهي دواهي
فيها ايه لو اخش القبر
محتاج لشوية صبر
و يارب الهمنا الصبر
بتقولي : بعد الشر
دي العيشه معاك أمر
و القلب معاك انجر
لذنوب بتفوق الخمر
و الخير مقتول على البر
فوتناه و ركبنا الشر
بكلامك مش حاتغر
غفار فهمني الأمر
جبار علمني الصبر
و أغير ليه في كلامي
و أداري ليه فب ألامي
خليني أتوب و انساك
خليني أقول في هواك
ياما تحت الساهي دواهي

صورة: